واتساب بيزنيس المعدن النفيس ديال التجارة الالكترونية في المغرب
بلا شك آن الواتساب هو التطبيق الآكثر استعمالاً فالمغرب بما آننا حنا مسوقين الكترونيين فالقاعدة تقول When There’s Crowd There’s Money خصنا ديما نلقاو البلاصة فين نعرضو المنتجات ديالنا فوسط الزحام لآن هنا فين كيتقدر تحقق عدد مبيعات عالي، لهذا كلاحضو فالواقع الشركات الكبرى كيتخاطفو يديرو محلات ديالهم فالبلايص لكيكونو فيهم الرواج آو بلغتنا حنا الترافيك. اذاً واضح More Traffic = More Money هادشي ماشي غير فالتجارة الالكترونية المحلية فجميع المجالات (آدسنس، دروبشيبينغ، سي بي اي …) آفضل سبب يخلي الحضور ديال الصطور ديالك فالواتساب هو ان جميع الزبائن المحتملين ديالك متواجدين على الواتساب، هذا يعني آنك تقدر دير الفاليداسيو و السويفي ديال الطلبيات ديالك فقط بالواتساب. تقدر تاصل بيهم و تعلمهم برسائل بآن الطلبيات ديالهم وصلو فقط من خلال الواتساب هانتا نقصتي عليك تكاليف التعبئة.
و حالياً فالمغرب يلا قلتي ليا نخدم علي القوائم البريدية آو قوائم الواتساب (WhatsApp Broadcast List) طبعاً غادي نقوليك واتساب. هادو ثلاث آسباب كيخليو الواتساب يكون ضمن آولياتك باش تكبر مبيعات ديالك:
- آولاً: يمكن لك توصل ل آكثر من 10.000 زبون فالنهار سوا شراو من عندك ديجا و بقاو ف نامبر دايتابيس و لا زبناء جدد من خلال فقط من خلال برامج للارساليات الغير المحدودة الخاص بالواتساب آو كما هو شائع Whatsapp Bulk Sending Softwares
- ثانياً: الواتساب بيزنيس كيتعابر الآسهل و الآرخص و الأكثر تأثيرا مقارنتا مع مواقع و تطبيقات التواصل الاجتماعي الآخرى. يمكنك ارسال صور او فيديو للزبناء طبعاً مع الاثمنة فقط بضغطة زر. عكس الفايسبوك آو انساجرام. عاد كيتيح ليك دير دعم الفني بالشات فقط آو على قوائم البث.
- ثالثاً: يمكنك تكبير قوائمك على الواتساب فقط من الفايسبوك آدس. كيما ذكرت سابقاً الواتساب تابع للفايسبوك و آي خدمة آو تطبيق تابع للفايسبوك تقدر دير فيه اعلان فقط من خلال منصة الفايسبوك بيزنيس آو آدس، بما في ذلك تيندر آدس Tinder Ads لغادي نتطرق ليه مستقبلاً حتى هو لآنه جد فعال فالفترة الحالية فالمنتوجات الشبابة خصوصاً منتوجات عندها علاقة بالجمال و الكماليات. خلينا دابا فالواتساب. كيف ماقلت تقدر فقط تخصص فقط فالواتساب من خلال الفايسبوك آدس او حتى الصطور ديالك يعني كدير واحد الفانل لي كيكب كلو فالواتساب. بالنسبة للصطور كدير فيه Checkout Page هي الواتساب يعني كيدخل الزائر للمتجر و آي منتوج عجبو كيدخل فالباسكيت و لكن تفعيل الطلب و ارسال المعلومات كيصيفطهم كلهم فقط من خلال الواتساب هاد القضية شرحتها فواحد المقالة قديمة شرحتها بالتفصيل و حتى الاضافة لتتآنسطالي يمكن لك تقرا المقالة في مجموعة الخاصة على الفايسبوك.
المهم bottom line، الواتساب فرصة ذهبية لتطوير و زيادة مبيعات المتجر حاولو مضيعوهاش، راه كثر من 1.8 مليار مستخدم و 70 مليار رسالة يومية. و الدول الآكثر تفاعلاً فالواتساب هم الدول العربية كترآسهم المملكة العربية السعودية. طريقة جمع النمبر داطا و الطريقة باش كتخدم الواتساب بيزنيس مع الفايسبوك آدس مشروحة بالتفصيل الممل فكورس Ecom Warriors: Morocco VIP Course غادي نحبس فيه التسجيل هاد الآيام لآن المقاعد محدودة فقط 5 مقاعد لمتاحة للفوج الخامس.
نلتقي فالوان مليون دولار 💞
