L’emballage آو Packaging لومبالاج
هو آول اتصال بينك و بين الكليان و آول انطباع كياخد الكليان على ل brand ديالك. و هي فرصة ذهبية للناس ليكيخدمو على Branding، كل مكان لومبالاج متناسق و جذاب كل مكان لك فرصة آكثر باش ترسخ هوية البراند ديالك عند الزبون ويبقا عاقل عليها، و هذا هو آسمى هدف لآي شركة كتقدم خدمة على وجه الآرض. و بعض من هاد الشركات كيخسرو آموال طائلة غير باش يسمعو الناس اسم الشركة مراراً و تكراراً ويعقلو عليها.
فالمغرب عندك فرصة كبيرة آنك تمشي فيرال فقط بال Brand Awareness via Packaging، لحقاش يلا كان L’emballage آنيق و جذاب و جودة كون آكيد المغاربة مغاديش يلاوحوه فالزبل غادي يخليوه لآغراض آخرى، مثلاً يديرو فيه شي سخرة لشي حد فالعائلة مسافر سوا برا ولا غير هنا. آو لآغراض آخرى، شحال شفنا من سيكان packaging sacs ديال شركات معروفة فالآسواق التقليدية و حتى فالشواطئ Lol ! و هادشي كولو فصالحك، كيزيد exposure بشكل رهيب جداً.
باش تاخد فكرة على كيفاش تصايب emballage ديالك يكفي فقط الذهاب ليوتوب و قلب على Packaging Ideas for Products، آما يلا بغيتي تاخد غير آفكار باقي مواجدش باش تصايب L’emballage تشوف فقط كيفاش كيكون و آنواع و آشكال ديالو يكفي فقط تمشي لموقع Pinterest و تقلب على Ecommerce Packaging
فالمغرب عندك واحد الامتياز على دول آخرى هو الكرطون رخيص بزاف و حتى السكوتش الرخا الله و آنواع و آشكال ليبغيتي، و لكن هاد الامتياز مغاديش يدوم عندك فقط سنين قليلة لحقاش مؤخراً مشينا ناخدوه بكمية كبيرة لقيناه زاد ب 3 دراهم آي ولا ب 28درهم للكيلو من قبل كان ب 25 درهم للكيلو (كيلو يقدر يآومبالي ليك حتى ل 200 مبيعة لمنتوجات صغيرة الحجم)، سبب واضح جداً هو بدا عليه الطلب من صحاب الايكوميرس.
غادي نحط ليكم صورة خديتها من stock مكنخدموش على ال branding واخا هكاك كنديرو آومبالاج ديالنا لحقاش كيتقام رخص و كيعطي قيمة للمنتوج و هادشي كامل كيحتاج مقص، سكوتش و كارطون. ديك ساعة نتا و الابداع ديالك.
