في الآشهر الآخيرة بان لينا واحد التطبيق صيني داير ضجة TikTok متصدر في متاجر App Store و Google Play و خدا شعبية كبيرة فالعالم و فالمغرب خاصتاً، عدد التحميلات فسنة 2018 فقط وصلت ل 660 مليون Download حيث فات يوتوب و انستجرام و سنابشات.. و حاليا مكنضنش شي واحد معارفش هاد التطبيق ولا على الاقل شاف فيديو ديال احد الاصدقاء ديالو مخدومة فتطبيق TikTok هذا كيعني كاين واحد السوق تما فيه الناس لي يقدرو يشريو المنتجات ديالنا (هدي النضرة ديالنا حنا المسوقين/تجار الكترونيين – آي تطبيق او موقع كبير كيتعتابر سوق بالنسبة لينا نعرضو فيه المنتوجات ديالنا) سيرتو منين كيكون marché vierge مزال مهجموش عليه شركات التجارة الالكترونية و الماركات العالمية كيفما واقع حالياً مع فايسبوك و جووجل آدس. المهم نحاول منطولش عليكم بزاف فهاد المقال و تعطيكم الطريقة لجربت باش جبت مبيعات من تطبيق TikTok لحالياً فاتت مئة مبيعة.
انواع اعلانات المدفوعة في TikTok حسب الموقع
نماذج من الاعلانات المتاحة في شبكة تيك توك بحسب ما هو ظاهر في الصورة تتكون من التالي
اولا : Brand takeover
ثانيا : In feed native video
ثالثا : Hashtag challenge
رابعا : Branded lenses
هادشي لقالو ولكن لحد الساعة غير عملي بالنسبة للمغرب و حالياً حنا خدامين غير ب Organic و كيجيب نتائج مرضية و فابور طبعاً. ندوزو دبا للصح و نشوفو الطريقة لجربت فالسوق التجارة الالكترونية المغربي و خدمات ليا مزيان طبعاً مشفتها حتى فشي بلاصة كلشي من ابتكاري الشخصي. كيفما كنا درنا فالفايسبوك و انستاجرام و جووجل آدس جميع الطرق لكنشرها معاكم كلها من ابتكاري الخاص و الحمد لله كونكونو حنا اللولين جربنها و عطات نتائج عاد كنبارطاجيوها معاكم باش تجربوها
طرقتي في TikTok باش كنجيب مبيعات يومية حالياً و فعالة للغاية
بما آن TikTok يلاه بدا و يلاه خدا شعبية ديالو فالعالم وخصوصاً المغرب مزال مفيهش القوالب ديال الفايسبوك و انستجرام يعني Pay to Play حتا كطلع شي باج و كونط انستجرام و كيطيحو ليك الوصول Reach بنسبة مئوية معينة و غيخصك تخلص باش توصل للناس دياولك ولا الناس الجداد. بالعكس TikTok قصة مختلفة هو كيزيد من عندو Reach باش يوصلك لآكبر Audience ممكن وهادشي كامل مجاناً فقط عبر Hashtags و Sounds او Songs و احياناً تآثيرات مثلاً ناس فالمغرب كيدخلو يشوفو فيديوهات TikTok على اغنية معينة و هاديك الاغنية غالباً تتكون ديال الراي هه او اغنية مشهورة عالميا هي لكدير معها صور او فيديو المنتج ويلا كان المنتج لخدام عليه طلب فالسوق المغربي و خصوصاً الفئة الشبابية غادي تلاحض تفاعل و رسائل و طلبات عليه رهيبة.
- فيديو ترويجي يكون فحدود 30 ثانية (يلا كان عندك منتوج ضروري يكون اشهار ديالو يكون اكثر كاينين طرق باش توصل الفيديو ف TikTok حتال دقيقة)
- اختار Hashtags يكون عليهم تفاعل و المغاربة كيستعملوهوم بزاف كلا مرا كيبان واحد جديد تقدر تصفحهم عبر التطبيق و تختار لبان ليك كيتعاود بزاف
- اغنية تكون دايرة Buzz فالمغرب و استعملها ك Original Sound هاد القضية فعالة جداً، غادي يكونو مستعملين TikTok كيقلبو على فيديوهات لمحكاة mimicry الناس لها و آكيد غادي يصادفو المنتوج ديالك وسطهم.
استراتجية TikTok Influencers تشوف شي واحد عندو عدد متتبعين و viewrs بزاف و طبق معاه نفس استراتجية انستجرام Influencers آو يدير محكاة mimicry لصوت ترويجي ديال الصطور ديالك ولا المنتج هذا مثال حي على ذلك:
انا مزال مجربتش استراتجية Ecom Local TikTok Influencers و لكن قريب لحقاش بعض Influencers كانو بعاد على المدينة لآنا فيها و لكن الاستراتجيات الاخرى جربتها كلها و عطات نتيجة مكنتش عوال عليها، كنت فاللول بغيت غير نجرب سوق TikTok و لكن حالياً كنفكر نردو مصدر معتمد لجلب المبيعات لبعض المنتوجات. لآن التطبيق مزال جديد و عندو شعبية كبيرة و مزال متلاحوش عليه الشركات بالاشهارات، هو حتى الاشهارات المدفوعة مزال مدارهومش فقط كلشي Organic.
